ജെമീലിയ - ജസ്മിയാ - മണിയാനിയാ- ശേര്ളിയാനിയാ പിന്നെ വാസുവാനിയാ ..
.മന്ത്രമല്ല മായ അല്ലാ
നാളെയാണ് നാളെ...ഒന്നര വയസ്സുകാരിയെ ബലാല്‍സംഗം ചെയ്തവന്റെ സാഹസിക അനുഭവ കുറിപ്പുകള്‍
ഉടന്‍ പ്രസിദ്ധീകരിക്കുന്നു..!!
ഒപ്പം അപ്പനെ തല്ലിയവന്റെ...അമ്മയെ പ്രാപിച്ചവന്റെ..പെങ്ങളെ ഹോമിച്ചവന്റെ
അനിയനെ മരം മുറിക്കുന്നപോലെ മുറിച്ച
ചേട്ടന്റെ അറുക്ക വാള്‍ കുറിപ്പുകള്‍
അളിയനെ തല്ലിക്കൊന്നു ചാക്കില്‍ കെട്ടിയ അളിയന്മാരുടെ പോരാട്ട പാഠങ്ങള്‍ !!!
ജാതി മാറി കെട്ടിയ കൂടപ്പിറപ്പിനെ മണ്ണെണ്ണ ഒഴിച്ച് കത്തിക്കുന്നത് എങ്ങനെ..
തന്തക്കു പിറക്കാത്തവരുടെ..
തന്ത ആരെന്ന്നു അറിയാത്തവരുടെ ..
മാസം തികയാതെ പിറന്നവരുടെ..
മാസ മുറ നേരത്തെ തെറ്റിയവരുടെ ..
കാമം കരഞ്ഞു തീര്‍ക്കുന്നവരുടെ ..
കാറില്‍ കൊല നടത്തിയവരുടെ
അങ്ങനെ ഒരായിരം സാഹസിക അനുഭവങ്ങളുടെ
നേര്‍ കുറിപ്പുകള്‍
പ്രി - പബ്ലിക്കേഷന്‍.....
വിലയോ
നിങ്ങളുടെ മാനം..(ഉണ്ടെങ്കില്‍ )
പൊസ്ടെജ് സൌജന്ന്യം..
വായിച്ചിരിക്കുമ്പോള്‍ വല്ലതും തോന്നിയാല്‍
അതിനെല്ലാം പോന്ന മലബാര്‍ കത്തികള്‍ , നിരോധന ഉറകള്‍ എല്ലാം
ഓരോ ബൂക്കിനും ഒപ്പം.പ്രത്യേകം ഉള്‍കൊള്ളിച്ചിരിക്കുന്നു..!!
മഠത്തില്‍ മതില് ചാടിയതിന്റെ ...
തെരുവില്‍ നാലുകാലും പറിച്ചു ആടിയതിന്റെ..
മേശമേല്‍ മരിച്ചു ഒടുങ്ങി കിടന്നവന്റെ
സൃഷ്ടി എന്ന അപരാധത്തിന്റെ ..
ഇത്തിരി പൊന്നും മിന്നും കാത്ത പാവം പാവങ്ങളെ
സ്വന്തം സ്വാര്‍ഥം കണ്ണ് കെട്ടി പായിച്ചു മുടിച്ച
ജന്മ പാപങ്ങളുടെ
അശാന്തിയുടെ
ആശനിപാതങ്ങളുടെ
തീരാ ശാപങ്ങളുടെ ...അനുഭവ കുറിപ്പുകള്‍..
വെള്ള മേനി കടലാസില്‍
ബഹു വര്‍ണ പുറം ചട്ടയില്‍
അച്ചു നിരത്തിയ
ആറാം പതിപ്പ് ചിത്രങ്ങള്‍ സഹിതം..
കുഞ്ഞിരാമന്‍ നായരുടെ ..
ചുള്ളികാടിന്റെ ..
വ്യ്ലോപ്പിള്ളിയുടെ ..
തകഴിയുടെ..
ബഷീറിന്റെ ...
ഉറൂബിന്റെ ..
മലയാള പെരുമയും തനിമയും നിറഞ്ഞ ..പുസ്തകങ്ങളുടെ
ഒപ്പം നിങ്ങളുടെ കണ്ണിനും
മനസ്സിനും കൌതുകമായി..
ഞങ്ങളുടെ സ്റ്റാളില്‍...
ഈ അസുലഭ ഭാഗ്യം
വസൂലാക്കി
സ്വന്തം ജീവിതത്തില്‍
പകര്‍ത്തൂ..
കുഞ്ഞുങ്ങള്‍ക്കും..
പകര്‍ന്നു നല്‍കൂ
ഈ സത്ത്യാന്ന്വേഷണ പരീക്ഷണങ്ങള്‍!
അതു കൊള്ളാമല്ലോ..
മറുപടിഇല്ലാതാക്കൂഒരു ബ്ലോഗറെ തല്ലിക്കൊന്ന് ജയിലിൽ പോകേണ്ടിവരും എന്ന്‌ എന്റെ ജാതകത്തിൽ ഉണ്ടോ എന്നൊരു സംശയം... ഞാനതൊന്നു വായിച്ചിട്ടു വരാം.............
മറുപടിഇല്ലാതാക്കൂശരിയാണ് മനം പുരട്ടുന്ന വൃത്തിക്കേടുകള്‍ വില്‍പ്പനക്ക് പരസ്യം ചെയ്യുമ്പോള്‍ ,വിധിപറയുമ്പോള്‍ ,ജീവിതത്തിനോട് മടുപ്പ് തോന്നുന്നു
മറുപടിഇല്ലാതാക്കൂഎന്താ വട്ടായോ ? ആര്‍ക്കും വട്ടു പിടിച്ചു പോകും .
മറുപടിഇല്ലാതാക്കൂഇത് ആര്‍ക്കിട്ടാണ്..?
മറുപടിഇല്ലാതാക്കൂഎന്തിനെക്കുറിച്ചാണ്..?
എനിക്കു മനസ്സിലായില്ല..
ശ്ശൊ..! ഞാന്‍ വഴി തെറ്റി വന്നതാ...പ്രായ പൂര്‍ത്തി ആവാതതുകൊണ്ട്,എനിക്കിതൊന്നും വായിക്കാന്‍ പറ്റില്ലല്ലോ..
മറുപടിഇല്ലാതാക്കൂഅതി വിദൂരതിയിലല്ലാത്ത സത്യങ്ങള്‍????
മറുപടിഇല്ലാതാക്കൂഹലോ...കൂട്ടുകാരാ.. അഭിനന്ദനങ്ങള്‍ ,ഈ വിളിച്ചു പറച്ചിലിന്‌. വാഴക്കോടന്‍ പറഞ്ഞതുപോലെ അതി വിദൂരതയിലല്ലാത്ത വര്‍ത്തമാന മലയാള വായനാ ലോകം. ക്ഷമിക്കണം ഡി.സിബിക്സിന്റെ പുത്തന്‍ കാറ്റലോഗ്‌ വായിക്കുന്നതുപോലെ തോന്നി. പ്രൗഡമായിരുന്നു ഒരിക്കല്‍ നമ്മുടെ പ്രസാധകരുടെ ചരിത്രം. എം.ടിയ്ക്ക്‌, ബഷീറിന്‌, ഡി.സി കിഴക്കേമുറിയ്ക്ക്‌ അത്‌ ജീവിതമായിരുന്നു. കര്‍മ്മമായിരുന്നു. ഇന്നിപ്പോള്‍ എന്താണിറങ്ങുന്നത്‌. തട്ടിക്കൂട്ടിയ ജീവിത വിജയ പുസ്തകങ്ങള്‍, വഴിതെറ്റിപ്പോയവരുമായുള്ള അഭിമുഖം, ചിലര്‍ക്കു സ്വയം ന്യായീകരിക്കാന്‍ ആത്മകഥ.
മറുപടിഇല്ലാതാക്കൂമാടക്കടകളില് ചത്ത കടവാവലുകളേ പ്പോലെ ചിറകു വിരിച്ചു കിടക്കുന്ന മഞ്ഞപുസ്തകങ്ങളും പ്രമുഖ മലയാള പ്രസാധകരുടെ പുസ്തകങ്ങളും തമ്മിലുള്ള അകലം ഇന്നു കുറഞ്ഞു വരുന്നു.
പ്രവാചകാ അഭിനന്ദനങ്ങള്‍.
കൊള്ളാം വിമര്‍ശനം. വര്‍ത്തമാനകാല മാദ്ധ്യമസംസ്ക്കാരം നമ്മുടെ സ്വീകരണ, വായനാ മുറികളില്‍ ഉയര്‍ത്തുന്ന പുലയാട്ടുകളേക്കുറിച്ച് ഒരോര്‍‌മ്മപ്പെടുത്തല്‍.
മറുപടിഇല്ലാതാക്കൂ